ഇടുക്കി: ചിന്നക്കനാൽ 301 കോളനിയിൽ വീണ്ടും കാട്ടാന ആക്രമണം. 301 കോളനിയിലെ ജ്ഞാനജ്യോതി അമ്മാളിന്‍റെ വീടിന്‍റെ അടുക്കളഭാഗവും മുൻഭാഗവും തകർത്തു.
ഞായറാഴ്ച രാത്രി ഏഴുമണിയോടെയാണ് സംഭവം. ആക്രമണസമയത്ത് ജ്ഞാനജ്യോതി അമ്മാളും മകൾ ഷീലയും വീട്ടിലുണ്ടായിരുന്നില്ല.
ചക്കകൊമ്പനാണ് വീട് ആക്രമിച്ചതെന്ന് നാട്ടുകാർ ആരോപിക്കുന്നു. ഇതിനു മുമ്പ് അരിക്കൊമ്പൻ ഈ പ്രദേശത്ത് സ്ഥിരമായി ഭീതി വിതച്ചിരുന്നു. അരിക്കൊമ്പനെ പ്രദേശത്തു നിന്നു മാറ്റിയ ശേഷം ഇതാദ്യാമായിട്ടാണ് കാട്ടാന വീടു തകർക്കുന്നത്.
