ടിനി ടോം, അൻസിബ ഹസൻ
കൊച്ചി: തനിക്കെതിരേ വർഗീയ പരാമർശം നടത്തിയതിൽ നടൻ ടിനി ടോമിനെതിരേ കേസെടുക്കണമെന്ന് ആവശ്യപ്പെട്ട് അൻസിബ ഹസൻ കോടതിയെ സമീപിച്ചു.
എറണാകുളം ഒന്നാം ക്ലാസ് മജിസ്ട്രേറ്റ് കോടതിയിലാണ് അൻസിബ ഹർജി സമർപ്പിച്ചത്. അൻസിബയുടെ പരാതിയിൽ പൊലീസ് എഫ്ഐആർ രജിസ്റ്റർ ചെയ്യാത്ത പശ്ചാത്തലത്തിലാണ് അൻസിബ കോടതിയിലേക്ക് നീങ്ങിയത്.
പൊലീസും നടി ലക്ഷ്മിപ്രിയയും ഒത്തു കളിക്കുന്നുവെന്ന് തൃപ്പൂണിത്തുറ ജെഎസ്എം കോടതിയിൽ നൽകിയ സ്വകാര്യ അന്യായത്തിൽ അൻസിബ ആരോപിച്ചിരുന്നു. ഇക്കഴിഞ്ഞ മേയ് 11നാണ് അൻസിബ ഹിൽ പാലസ് പൊലീസിൽ പരാതി നൽകിയിരുന്നത്. വനിതാ എസ്ഐ, ലക്ഷ്മിപ്രിയ എന്നിവർക്കെതിരേ കേസെടുക്കാൻ പൊലീസ് നിർദേശം നൽകണമെന്നും ഹർജിയിൽ പറയുന്നു.
