ബക്രീദിന് സർക്കാർ അവധി ശനിയാഴ്ച മാത്രം

തിരുവനന്തപുരം: ബക്രീദ് പ്രമാണിച്ച് സർക്കാർ അവധി ശനിയാഴ്ച മാത്രമായിരിക്കുമെന്ന് മന്ത്രിസഭാ തീരുമാനം. വെള്ളിയാഴ്ച കൂടി അവധി കൊടുക്കുന്നതിനെക്കുറിച്ച് പരിഗണനയിൽ ഉണ്ടായിരുന്നുവെങ്കിലും പിന്നീട് തള്ളി. ജൂൺ 6ന് നൽകിയിരുന്ന അവധി 7ലേക്ക് മാറ്റണമെന്ന ആവശ്യമാണ് അംഗീകരിച്ചിരിക്കുന്നത്.

മാസപ്പിറവി വൈകിയതിനാലാണ് ബലി പെരുന്നാൾ ശനിയാഴ്ചയിലേക്ക് മാറിയത്. കലണ്ടർ പ്രകാരം ജൂൺ 6നാണ് അവധി നൽകിയിരിക്കുന്നത്.