അഭിഷേക് , അഭി
കിളിമാനൂർ: ബൈക്ക് ഓടയിൽ വീണുണ്ടായ അപകടത്തിൽ സഹോദരങ്ങൾക്ക് ദാരുണാന്ത്യം. കിളിമാനൂർ സ്വദേശി നന്ദനത്തിൽ നന്ദന്റെ മകൻ അഭി(23), അനുജൻ അഭിഷേക് (20) എന്നിവരാണ് മരിച്ചത്.
നഗരൂർ റോഡിൽ എസ്.എൻ. ഓഡിറ്റോറിയത്തിനു സമീപത്തു വച്ച് തിങ്കളാഴ്ച രാവിലെ ആറു മണിയോടെയാണ് അപകടമുണ്ടായത്.
അഭിഷേകിന് കോട്ടയത്തേക്കു പോകുന്നതിനായി കിളിമാനൂർ കെഎസ്ആർടിസി ബസ് സ്റ്റാൻഡിൽ വിടാനായി പോകുന്നതിനിടെ ബൈക്ക് ഇലക്ട്രിക് പോസ്റ്റിൽ ഇടിച്ച് ഓടയിലേക്ക് വീഴുകയായിരുന്നു. ഇരുവരെയും ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
