ബിജെപി കാസർഗോഡ് ജില്ലാ ഓഫിസിൽ ദേശീയ പതാകകൾ കൂട്ടിയിട്ട നിലയിൽ; പരാതി നൽകി ഡിവൈഎഫ്ഐ

കാസർഗോഡ്: ബിജെപി കാസർഗോഡ് ജില്ലാ ഓഫിസിൽ ഒരു മൂലയ്ക്ക് കൂട്ടിയിട്ട നിലയിൽ ദേശീയ പതാകകൾ. ഹർഘർ തിംരംഗ ക്യാംപെയിനിന്‍റെ ഭാഗമായി നടത്തിയ യാത്രയ്ക്ക് ശേഷം ബിജെപി ജില്ലാ ഓഫിസിലെത്തിച്ച പതാകകളാണ് അലക്ഷ്യമായി വലിച്ചെറിഞ്ഞ രീതിയിൽ കണ്ടെത്തിയത്. സംഭവത്തിന്‍റെ വീഡിയോ വ്യാപകമായി പ്രചരിക്കുന്നുണ്ട്.

സംഭവത്തിൽ നടപടി വേണമെന്ന് വിവിധ കോണുകളിൽ നിന്ന് ആവശ്യം ഉയരുന്നുണ്ട്. ഇതിൽ സംസ്ഥാന പൊലീസ് മേധാവിക്ക് ഡിവൈഎഫ്ഐ പരാതി നൽകിയിട്ടുണ്ട്. കുറ്റക്കാർക്കെതിരേ കർശന നടപടി എടുക്കണമെന്ന് ഡിവൈഎഫ്ഐ ആവശ്യപ്പെട്ടിട്ടുണ്ട്.