ഗുരുവായൂരിൽ തൊഴുത് മുഖ്യമന്ത്രി സതീശൻ; വെണ്ണ കൊണ്ട് തുലാഭാരം

ഗുരുവായൂർ: മുഖ്യമന്ത്രിയായി അധികാരമേറ്റതിനു പിന്നാലെ ഗുരുവായൂർ ക്ഷേത്രത്തിൽ എത്തി തൊഴുത് മുഖ്യമന്ത്രി വി.ഡി.സതീശൻ. ഞായറാഴ്ച രാവിലെ 6.40ഓടെയാണ് മുഖ്യമന്ത്രി ക്ഷേത്രത്തിലെത്തിയത്. വെണ്ണയും തീർഥവും കൊണ്ട് തുലാഭാരവും നടത്തി.

71 കിലോഗ്രാം വെണ്ണയാണ് തുലാഭാരത്തിനായി വേണ്ടി വന്നത്. സോപാനത്തിൽ വെണ്ണയും കദളിപ്പഴവും സമർപ്പിച്ച് പ്രാർഥിച്ചതിനു ശേഷം മേൽശാന്തിയിൽ നിന്ന് പ്രസാദം സ്വീകരിച്ചു.

കിഴക്കേ നടയിൽ ഗണപതിക്കു മുന്നിൽ നാളികേരമുടച്ച് പ്രാർഥിച്ചതിനു ശേഷമാണ് മുഖ്യമന്ത്രി മടങ്ങിയത്. കെ. കരുണാകരനു ശേഷം ഗുരുവായൂർ ക്ഷേത്രത്തിൽ ദർശനം നടത്തുന്ന ആദ്യത്തെ മുഖ്യമന്ത്രിയാണ് വി.ഡി. സതീശൻ. റവന്യുമന്ത്രി എ.പി. അനിൽ കുമാറിന്‍റെ മകന്‍റെ വിവാഹച്ചടങ്ങിലും മുഖ്യമന്ത്രി പങ്കെടുത്തു.