കോഴിക്കോട്: ഗോവ ഗവർണറുടെ വാഹന വ്യൂഹത്തിലേക്ക് കാർ ഓടിച്ചു കയറ്റിയ യുവാവിനെതിരെ കേസെടുക്കാത്ത പൊലീസ് നടപടി വിവാദത്തിൽ. സിപിഎം കോഴിക്കോട് ജില്ലാ സെക്രട്ടറിയുടെ മകനാണ് ഓടിച്ചു കയറ്റിയത്. സുരക്ഷാ വീഴ്ച പരിശോധിക്കുമെന്ന് ഗോവ രാജ്ഭവൻ വ്യക്തമാക്കി.
ഞായറാഴ്ച കോഴിക്കോട് മൊഫ്യൂസൽ സ്റ്റാൻഡിനടുത്തുവെച്ചായിരുന്നു സംഭവം. ജൂലിയസ് നികിതാസിന് കസബ പൊലീസ് പിഴയിട്ടെങ്കിലും കേസെടുത്തിരുന്നില്ല. ട്രാഫിക് നിയമം ലംഘിച്ചതിന് 1000 രൂപ പിഴയിട്ട് വിട്ടയക്കുകയായിരുന്നു.
