തുടർഭരണം സംഘടനാരംഗത്ത് മുരടിപ്പുണ്ടാക്കി; എല്ലാ തലത്തിലും തിരുത്തൽ വേണമെന്ന് സിപിഎം

തിരുവനന്തപുരം: നിയമസഭാ തെരഞ്ഞെടുപ്പിലുണ്ടായ തിരിച്ചടിക്ക് കാരണം ഭരണത്തിൽ വന്ന വീഴ്ചകളെന്ന് സിപിഎം. സംസ്ഥാന സമിതിയിൽ അവതരിപ്പിച്ച റിപ്പോർട്ടിലാണ് ഇത്തരത്തിലൊരു പരാമർശമുള്ളത്.

തുടർ ഭരണം സംഘടനാരംഗത്ത് മുരടിപ്പുണ്ടാക്കിയെന്നും ഭരണവിരുദ്ധ വികാരം പൊതുവെ ഇല്ലെന്നു പറയാമെന്നും എന്നാൽ സർക്കാരിന്‍റെ ചില ഭരണ നടപടികളോട് ജനങ്ങൾക്കിടയിൽ എതിർപ്പുണ്ടാക്കിയെന്നും അത് തിരിച്ചടിക്ക് കാരണമായെന്നുമാണ് വിലയിരുത്തൽ. പലവിഭാഗങ്ങളും പാർട്ടിയിൽ നിന്നും അകന്നുപോയെന്നും എല്ലാ തലത്തിലും തിരുത്തൽ വേണമെന്നുമാണ് റിപ്പോർട്ടിൽ പറയുന്നത്.