എഫ്സിആർഎ നിയമ ഭേദഗതി; സാമൂഹ്യനീതിക്കെതിരെന്ന് പിണറായി വിജയൻ

ആലപ്പുഴ: എഫ്സിആർഎ നിയമഭേദഗതി തിടുക്കപ്പെട്ട് പാർലമെന്‍റിലൂടെ കൊണ്ടുവരാനുള്ള കേന്ദ്രനീക്കം ആശങ്കാജനകമാണെന്ന് മുഖ്യമന്ത്രി പിണറായി വിജയൻ. സാമൂഹിക സേവനമേഖലയിൽ പ്രവർത്തിക്കുന്ന നിരവധി സംഘടനകളുടെ പ്രവർത്തനസ്വാതന്ത്യത്തെയും പാവപ്പെട്ടവർക്കും, പിന്നോക്കവിഭാഗങ്ങൾക്കും ലഭിക്കുന്ന സഹായങ്ങളെയും ഇത് വൻതോതിൽ പ്രതികൂലമായി ബാധിക്കാൻ സാധ്യതയുണ്ട്.

ന്യൂനപക്ഷ വിഭാഗങ്ങൾക്ക് ഇത് ആഘാതമായി മാറുകയാണ്. സാമൂഹിക പ്രവർത്തനങ്ങളെ നിയന്ത്രിക്കുന്നതിനുള്ള രാഷ്ട്രീയ അജണ്ടയുടെ ഭാഗമായാണ് ഈ നീക്കം.

സാമൂഹിക നീതിക്ക് വിരുദ്ധമായ ഈ ഭേദഗതി അടിയന്തരമായി കേന്ദ്രം പിൻവലിക്കണമെന്ന് ശക്തമായി ആവശ്യപ്പെടുന്നതായി മുഖ്യമന്ത്രി പറഞ്ഞു.