മലപ്പുറം: ഓൺലൈൻ ട്രേഡിങ്ങിൽ നഷ്ടപ്പെട്ട പണം തിരിച്ചു കിട്ടാനായി ഇടപാടുകാർ ബന്ധിയാക്കിയ യുവാവിനെ പൊലീസ് മോചിപ്പിച്ചു. യുവാവിനെ തട്ടിക്കൊണ്ടു പോയ അഞ്ചു പേരെ അറസ്റ്റ് ചെയ്തിട്ടുണ്ട്. എടവണ്ണം സ്വദേശികളായ അജ്മൽ, ഷറഫുദ്ദീൻ, പത്തിപ്പിരിയം സ്വദേശി അബൂബക്കർ, വി.പി. ഷറഫുദ്ദീൻ, വിപിൻദാസ് എന്നിവരാണ് അറസ്റ്റിലായത്.
ഓൺലൈൻ ട്രേഡിങ്ങിൽ നഷ്ടപ്പെട്ട പണം തിരിച്ചു വാങ്ങാനായി യുവാവിനെ തട്ടിക്കൊണ്ടു പോയി വില പേശാനായിരുന്നു സംഘത്തിന്റെ നീക്കം. വണ്ടൂരിലെ വീട്ടിലാണ് യുവാവിനെ തട്ടിക്കൊണ്ടു പോയി പാർപ്പിച്ചിരുന്നത്.
