ചാത്തന്നൂരിൽ ഭക്ഷ്യവിഷബാധ: 8 പേർ ആശുപത്രിയിൽ

വയറുവേദനയും ഛർദിയും അനുഭവപ്പെട്ടവരാണ് ആശുപത്രിയിലെത്തിയത്.
ചാത്തന്നൂരിൽ ഭക്ഷ്യവിഷബാധ: 8 പേർ ആശുപത്രിയിൽ

കൊല്ലം: കൊല്ലം ചാത്തന്നൂരിൽ ഭക്ഷ്യവിഷബാധതെ തുടർന്ന് 8 പേർ ചാത്തന്നൂരിലെ കുടുംബ ആരോഗ്യകേന്ദ്രത്തിൽ ചികിത്സ തേടി.

കുടുംബശ്രീ വാർഷികാഘോഷവുമായി ബന്ധപ്പെട്ട് നടന്ന പരിപാടിക്ക് ഭക്ഷണം കഴിച്ചവർക്കാണ് ഭക്ഷ്യവിഷബാധയേറ്റത്. പരിപാടിക്ക് ശേഷം പാക്കറ്റ് ആയി പൊറോട്ടയും വെജിറ്റബിള്‍ കറിയും നല്‍കിയിരുന്നു. ഇത് കഴിച്ചവര്‍ക്കാണ് പിന്നീട് ഭക്ഷ്യവിഷബാധയേറ്റത്.

വയറുവേദനയും ഛർദിയും അനുഭവപ്പെട്ടവരാണ് ആശുപത്രിയിലെത്തിയത്. ചാത്തന്നൂര്‍  ഗണേഷ്  ഫാസ്റ്റ് ഫുഡില്‍ നിന്നാണ്  ഇവർ പരിപാടിക്കായുള്ള ഭക്ഷണം വാങ്ങിയതെന്ന് പറ‍യുന്നു.  ശേഷം കടയില്‍ ആരോഗ്യവകുപ്പും ഭക്ഷ്യസുരക്ഷാ വിഭാഗവും സംയുക്തമായി പരിശോധന നടത്തി. 9 വര്‍ഷമായി ലൈസന്‍സ് ഇല്ലാതെയാണ് ഹോട്ടല്‍ പ്രവര്‍ത്തിക്കുന്നതെന്നും പരിശോധനയില്‍ കണ്ടെത്തി.

Related Stories

No stories found.

Latest News

No stories found.
logo
Metro Vaartha
www.metrovaartha.com