ആലപ്പുഴ: സിപിഎം നേതൃത്വത്തിനെതിരേയും പ്രതിപക്ഷ നേതാവ് പിണറായി വിജയനെതിരേയും പരിഹാസവുമായി അമ്പലപ്പുഴ എംഎൽഎ ജി. സുധാകരൻ. നിയമസഭയിൽ പിണറായി വിജയൻ വെള്ളത്തിൽ വീണ നനഞ്ഞ കോഴിയുടെ അവസ്ഥയിലാണെന്നും എഴുന്നേറ്റ് നിന്ന് സഭയിൽ മറുപടി പറയാൻ ആരുമില്ലെന്നും അദ്ദേഹം വിമർശിച്ചു.
കെ.എൻ. ബാലഗോപാലിന് ഇപ്പോൾ മിണ്ടാട്ടമില്ലെന്നും വി.ഡി. സതീശനെതിരേ സംസാരിക്കാൻ ഒരു നേതാക്കൾക്കും പറ്റുന്നില്ലെന്നും അദ്ദേഹം കൂട്ടിച്ചേർത്തു. ഇടത്തോട്ട് മുണ്ടുടുത്താൽ ഇടതുപക്ഷവും വലത്തോട്ട് മുണ്ടുടുത്താൽ വലതുപക്ഷവും ആകില്ലെന്നും അദ്ദേഹം പരിഹസിച്ചു. അടുത്ത കാലത്തൊന്നും സിപിഎം നന്നാകാൻ പോകുന്നില്ലെന്നും പാർട്ടിക്ക് സമൂഹത്തിലുള്ള വിശ്വാസ്യത പൂർണമായും നഷ്ടപ്പെട്ടുവെന്നും അദ്ദേഹം പറഞ്ഞു.
