തിരുവനന്തപുരം: സർക്കാർ ജീവനക്കാർക്കും അധ്യാപകർക്കും തിരിച്ചടി. സർക്കാർ ജീവനക്കാർക്കാരുടേയും അധ്യാപകരുടേയും ശമ്പള പരിഷ്കരണ കുടിശിക പിഎഫ് അക്കൗണ്ടിൽ ഇടാനുള്ള ഉത്തരവ് നീട്ടിവെച്ചു. സാമ്പത്തിക പ്രതിസന്ധിയെ തുടർന്നാണ് ധനംവകുപ്പിന്റെ തീരുമാനം.
കുടിശ്ശിക തുകയുടെ ആദ്യ ഗഡു ഏപ്രിൽ 1ന് ജീവനക്കാരുടെ പിഎഫ് അക്കൗണ്ടിൽ ഇടുമെന്നായിരുന്നു ആദ്യ ഉത്തരവ്. എന്നാൽ സാമ്പത്തിക പ്രതിസന്ധിയുടെ പശ്ചാത്തലത്തിൽ തീരുമാനം നീട്ടിവെയ്ക്കുന്നതായി ധനംവകുപ്പ് ഉത്തരവിറക്കി. 4 ഗഡുക്കളായി കുടിശ്ശിക പിഎഫിൽ ലയിപ്പിക്കാനാണ് തീരുമാനം.