വാലന്റൈൻസ് ദിനം ഇന്ത്യൻ സംസ്കാരത്തിന് വിരുദ്ധം; ഹനുമാൻ ചാലിസ വിതരണം ചെയ്ത് ഹിന്ദുത്വ സംഘടന
പറ്റ്ന: വാലന്റൈൻസ് ദിനത്തിൽ ഹനുമാൻ ചാലിസ വിതരണം ചെയ്ത് തീവ്ര വലതുപക്ഷ സംഘടനയായ ശിവ്ഭവാനി സേന. ബിഹാറിലെ പറ്റ്നയിലാണ് സംഭവം നടന്നത്. വാലന്റൈൻസ് ദിനം ഇന്ത്യൻ സംസ്കാരത്തിന് വിരുദ്ധമെന്ന് ആരോപിച്ചായിരുന്നു ഹനുമാൻ ചാലിസ വിതരണം ചെയ്തത്.
കമിതാക്കൾക്കും വഴിയാത്രക്കാർക്കുമാണ് ഹനുമാൻ ചാലിസ നൽകിയത്. ഫെബ്രുവരി 14 പുൽവാമ രക്തസാക്ഷികളെ ഓർക്കാനുള്ള ദിനമാണെന്നും പ്രണയദിനമല്ലെന്നുമാണ് ഇവരുടെ വാദം. പ്രണയം പവിത്രമാണെന്നും എന്നാൽ അശ്ലീലത അംഗീകരിക്കാൻ സാധിക്കില്ലെന്നുമാണ് ശിവ്ഭവാനി സേന പ്രവർത്തകർ പറയുന്നത്.
