നിവിൻ പോളി
കൊച്ചി: നടൻ നിവിൻ പോളിക്കും എബ്രിഡ് ഷൈനുമെതിരായ വഞ്ചനാക്കേസ് ഹൈക്കോടതി സ്റ്റേ ചെയ്തു. ആക്ഷൻ ഹീറോ ബിജു 2 എന്ന ചിത്രത്തിന്‍റെ പേരിൽ 2 കോടി രൂപ തട്ടിയെടുത്തെന്നായിരുന്നു കേസ്. പ്രതികൾക്കെതിരേ നോട്ടീസ് അയച്ച് അവരെ ചോദ‍്യം ചെയ്യുമെന്ന് കഴിഞ്ഞയാഴ്ച പൊലീസ് അറിയിച്ചിരുന്നു. ഇതേത്തുടർന്നാണ് നിവിൻ പോളിയും എബ്രിഡ് ഷൈനും ഹൈക്കോടതിയെ സമീപിച്ചത്.
നിലവിൽ കോടതിയുടെ പരിഗണയിലുള്ള കേസാണിതെന്നും എറണാകുളം സബ് കോടതി ഈ വിഷയം പരിഗണിക്കുമ്പോൾ ഷംനാദിന്‍റെ പരാതിയിൽ തലയോലപ്പറമ്പ് പൊലീസ് അകാരണമായി കേസെടുത്ത് മുന്നോട്ട് പോവുകയായിരുന്നുവെന്നും സബ് കോടതി കേസ് തീർപ്പാക്കുന്നതിനു മുൻപ് തന്നെ അനാവശ‍്യമായാണ് പൊലീസ് അന്വേഷണമെന്നും ഇരുവരും വാദിച്ചു. ഇത് പരിഗണിച്ചാണ് നിലവിൽ കേസ് അന്വേഷണം ഹൈക്കോടതി സ്റ്റേ ചെയ്തിരിക്കുന്നത്.
