'വീട്ടിലേക്ക് പോയാൽ തിരിച്ചുവരേണ്ട'; ആസിഡ് കുടിച്ച് യുവതി ജീവനൊടുക്കി, ഭർത്താവ് കസ്റ്റഡിയിൽ

കാസർകോട്: കുടുംബവഴക്കിനെ തുടർന്ന് യുവതി ആസിഡ് കുടിച്ച് ജീവനൊടുക്കി. ചർലക്കുട സ്വദേശി ഫാത്തിമത്ത് സുബൈദയാണ് മരിച്ചത്. വീട്ടുകാരുടെ മുന്നിൽ വച്ചാണ് യുവതി ആസിഡ് കുടിച്ചത്. വീട്ടുകാരുടെ പരാതിയുടെ ഫാത്തിമത്തിന്‍റെ ഭർത്താവിനെ പൊലീസ് അറസ്റ്റ് ചെയ്തു.

ശനിയാഴ്ച വൈകിട്ടാണ് സംഭവമുണ്ടായത്. യുവതിയെ വീട്ടിലേക്ക് കൊണ്ടുപോകാനായി മാതാപിതാക്കൾ ഭർതൃവീട്ടിൽ എത്തിയിരുന്നു. വീട്ടിലേക്ക് പോയാൽ ഇനി തിരിച്ചുവരേണ്ടെന്ന് ഭർത്താവ് പറഞ്ഞതായി പറയപ്പെടുന്നു. അതിനു പിന്നാലെയാണ് വീട്ടിൽ സൂക്ഷിച്ച ആസിഡ് ഫാത്തിമത്ത് കുടിച്ചത്. ഉടനെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.

ഭർത്താവും കുടുംബവും ഫാത്തിമത്തിനെ പീഡിപ്പിച്ചിരുന്നു എന്നു കാട്ടി വീട്ടുകാർ വിദ്യാനഗർ പൊലീസിൽ പരാതി നൽകുകയായിരുന്നു. തുടർന്നാണ് ഭർത്താവിനെ കസ്റ്റഡിയിൽ എടുത്തത്. ഇവർക്ക് രണ്ട് മാസം പ്രായമുള്ള കുഞ്ഞുണ്ട്.