പ്രധാനമന്ത്രി പങ്കെടുക്കുന്ന ഉദ്ഘാടന ചടങ്ങിലേക്ക് ക്ഷണിച്ചില്ല; പരാതിയുമായി കൊടിക്കുന്നിൽ സുരേഷ് എംപി

കൊല്ലം: കൊടിക്കുന്നിൽ സുരേഷ് എംപിയെ പ്രധാനമന്ത്രി നരേന്ദ്രമോദി പങ്കെടുക്കുന്ന ഉദ്ഘാടന ചടങ്ങിലേക്ക് ക്ഷണിച്ചില്ലെന്ന് പരാതി. ഇക്കാര‍്യം ചൂണ്ടിക്കാട്ടി ലോക്സഭാ സ്പീക്കർക്കും എത്തിക്കസ് കമ്മിറ്റിക്കും കൊടിക്കുന്നിൽ സുരേഷ് പരാതി നൽകി.

നടന്നത് പ്രോട്ടോക്കോളിന്‍റെയും പാർലമെന്‍ററി കൺവെൻഷനുകളുടെയും ഗുരുതരമായ ലംഘനമാണെന്നാണ് പരാതിയിൽ പറയുന്നത്. കൊല്ലം വെസ്റ്റ് കല്ലടയിലെ ഫ്ലോട്ടിങ് സോളാർ പവർ പദ്ധതിയുടെ ഉദ്ഘാടന ചടങ്ങിലേക്കാണ് കൊടിക്കുന്നിൽ സുരേഷിന് ക്ഷണം ലഭിക്കാതിരുന്നത്.