ഡ്രൈവർക്ക് ദേഹാസ്വാസ്ഥ്യം, നിയന്ത്രണംവിട്ടെത്തിയ കെഎസ്ആർടിസി ബസ് ഇടിച്ച് വഴിയാത്രക്കാരി മരിച്ചു

തൃശൂർ: നിയന്ത്രണം വിട്ടെത്തിയ കെഎസ്ആർടിസി ബസ് ഇടിച്ച് വഴിയാത്രക്കാരിക്ക് ദാരുണാന്ത്യം. കാഞ്ഞൂർ സ്വദേശി ബിന്ദു (49) ആണ് മരിച്ചത്. പുതുക്കാട് തിങ്കളാഴ്ച രാവിലെ ഏഴ് മണിയ്ക്കാണ് അപകടമുണ്ടായത്.

ഡ്രൈവർക്ക് ദേഹാസ്വാസ്ഥ്യം ഉണ്ടായതിനെ തുടർന്നാണ് ബസ് നിയന്ത്രണം വിട്ടത്. ഡ്രൈവർ കുഴഞ്ഞുവീണ നിലയിലായിരുന്നു. നിയന്ത്രണംവിട്ടെത്തിയ ബസ് ബിന്ദുവിനെ ഇടിച്ച ശേഷം ദേശിയ പാതയിലെ കടയിൽ ഇടിച്ചു നിൽക്കുകയായിരുന്നു.