കോഴിക്കോട് കെഎസ്ആർടിസി ബസ് പുഴയിലേക്ക് വീണു. രണ്ട് യാത്രക്കാർ മരിച്ചു. യാത്രക്കാരെ രക്ഷിക്കാനുള്ള ശ്രമം തുടരുന്നു. നിരവധി പേർക്ക് പരുക്കുണ്ടെന്നാണ് പ്രാഥമിക വിവരം. തിരുവമ്പാടി- ആനക്കാംപൊയിൽ ഓഡിനറി ബസാണ് പുഴയിലേക്ക് മറിഞ്ഞത്.
തിരുവമ്പാടി കാളിയമ്പുഴ പുഴയിലേക്കാണ് ബസ് മറിഞ്ഞത്. ചൊവ്വാഴ്ച ഉച്ചക്ക് 2 മണിയോടെയായിരുന്നു അപകടം. മൂന്നു പേരുടെ നില ഗുരുതരമായി തുടരുകയാണെന്നും റിപ്പോർട്ടുകളുണ്ട്.
