തിരുവനന്തപുരം: തിരുവനന്തപുരം ശ്രീകാര്യത്ത് ഡ്രെയിനേജ് കുഴിയെടുക്കുന്നതിനിടെ മണ്ണിടിഞ്ഞു. തൊഴിലാളികൾക്കു മേലെയാണ് മണ്ണിടിഞ്ഞു വീണത്. അകത്ത് കുടുങ്ങിയ ഒരാളെ രക്ഷപ്പെടുത്തുന്നതിനുള്ള ശ്രമങ്ങൾ തുടരുകയാണ്. ശ്രീകാര്യം മടത്ത്നടയിലാണ് അപകടമുണ്ടായത്. പത്ത് അടി താഴ്ചയിലേക്കാണ് മണ്ണിടിഞ്ഞത്. അപകട സമയത്ത് രണ്ടു പേരാണ് കുഴിയിലുണ്ടായിരുന്നത്.
കുഴിയിലുണ്ടായിരുന്ന ഒരാളെ രക്ഷപ്പെടുത്തി ആശുപത്രിയിലേക്ക് മാറ്റി. നിലവിൽ കുഴിയിൽ കുടുങ്ങിയിരിക്കുന്നത് അന്യസംസ്ഥാന തൊഴിലാളിയാണ്. ഏറെ വൈകിയാണ് കുഴിയിലേക്ക് മണ്ണിടിഞ്ഞ വിവരം പുറത്തറിഞ്ഞത്.
