സത്യപ്രതിജ്ഞാ ചടങ്ങിന് മലയാളി ലോക്കോ പൈലറ്റും

സത്യപ്രതിജ്ഞാ ചടങ്ങിലേക്ക് ക്ഷണിക്കപ്പെട്ട പത്ത് ലോക്കോ പൈലറ്റുമാരിൽ ഒരാളാണ്
സത്യപ്രതിജ്ഞാ ചടങ്ങിന് മലയാളി ലോക്കോ പൈലറ്റും
ഐശ്വര്യ എസ്. മേനോൻ

ചെന്നൈ: മൂന്നാം നരേന്ദ്ര മോദി സർക്കാരിന്‍റെ സത്യപ്രതിജ്ഞയ്ക്ക് സാക്ഷ്യം വഹിക്കാൻ മലയാളിയായ വനിതാ ലോക്കോ പൈലറ്റിന് ക്ഷണം. ദക്ഷിണ റെയ്‌ൽവേ ചെന്നൈ ഡിവിഷനിലെ സീനിയർ അസിസ്റ്റന്‍റ് ലോക്കോ പൈലറ്റ് ഐശ്വര്യ എസ്. മേനോനാണ് ഔദ്യോഗികമായി ക്ഷണം ലഭിച്ചത്. നിലവിൽ പ്രീമിയം വന്ദേ ഭാരത് ട്രെയ്നുകളാണ് ഓടിക്കുന്നത്.

സത്യപ്രതിജ്ഞാ ചടങ്ങിലേക്ക് ക്ഷണിക്കപ്പെട്ട പത്ത് ലോക്കോ പൈലറ്റുമാരിൽ ഒരാളാണ്. ചെന്നൈ-വിജയവാഡ, ചെന്നൈ-കോയമ്പത്തൂർ വന്ദേ ഭാരത് എക്‌സ്പ്രസ് സർവീസുകൾ ആരംഭിച്ചതുമുതൽ ഈ പ്രീമിയം ട്രെയ്‌നുകൾ നിയന്ത്രിക്കുന്നത് ഐശ്വര്യയാണ്.

ഏഷ്യയിലെ ആദ്യ വനിതാ ലോക്കോ പൈലറ്റ് സുരേഖ യാദവിനും ക്ഷണമുണ്ട്. മുംബൈ സിഎസ്ടിയിൽ നിന്ന് സോലാപ്പുരിലേക്കുള്ള വന്ദേഭാരത് ട്രെയ്‌നിലെ ലോക്കോപൈലറ്റാണ് സുരേഖ. 1988ലാണ് അവർ ഇന്ത്യൻ റെയ്‌ൽവേയിൽ ലോക്കോ പൈലറ്റായി ചേർന്നത്. വന്ദേഭാരതിന്‍റെ ആദ്യ വനിതാ ലോക്കോ പൈലറ്റാണ്.

Related Stories

No stories found.

Latest News

No stories found.
logo
Metro Vaartha
www.metrovaartha.com