ഷാജി
കൊച്ചി: ബസിനടിയിലേക്ക് വീണ് വസ്ത്രം പൂർണമായും കീറിപ്പോയ യുവതിക്ക് ഉടുമുണ്ടഴിച്ച് നൽകി ചായവിൽപ്പനക്കാരൻ ഷാജിക്ക് എംസിആർ ടെക്സ്റ്റൈൽസ് ഒരു ലക്ഷം രൂപ സ്നേഹ സമ്മാനം നൽകി. എംസിആർ ടെക്സ്റ്റൈൽസ് ചെയർമാൻ എം.സി. റോബിൻ നേരിട്ടെത്തിയാണ് ഷാജിക്ക് സമ്മാനത്തുക കൈമാറിയത്.
അപകടത്തിൽപ്പെട്ട സ്ത്രീയുടെ മാന്യത സംരക്ഷിക്കാനുള്ള ഷാജിയുടെ ഇടപെടൻ സമൂഹമാധ്യമത്തിലടക്കം വലിയ പ്രശംസ പിടിച്ചു പറ്റിയിരുന്നു. മനുഷ്യത്വവും സാമൂഹിക ഉത്തരവാദിത്തവും ഉയർത്തിപ്പിടിച്ച ഷാജിയുടെ പ്രവർത്തനത്തെ ആദരിക്കാനാണ് ഈ സമ്മാനമെന്ന് എം.സി. റോബിൻ പറഞ്ഞു. അപകടത്തിന് പിന്നാലെ നിരവധി പേരാണ് ഷാജിക്ക് അഭിനന്ദനവുമായി രംഗത്തെത്തിയത്.
