മുണ്ടത്തിക്കോട് വെടിക്കെട്ട് അപകടം: ദുരന്ത ഭൂമിയിൽ നിന്നും തലയും കൈയുടെ ഭാഗങ്ങളും കണ്ടെത്തി

തൃശൂർ: മുണ്ടത്തിക്കോട് വെടിക്കെട്ട് അപകടം നടന്ന സ്ഥലത്ത് നിന്ന് വീണ്ടും ശരീരഭാഗങ്ങൾ ലഭിച്ചു. ഒരു തലയുടെ ഭാഗവും കൈയുടെ ഭാഗങ്ങളുമാണ് ലഭിച്ചത്. അപകടം നടന്ന സ്ഥലത്ത് നിന്നും 400 മീറ്റർ അകലെയുള്ള പറമ്പിൽ നിന്നുമാണ് തലയുടെ ഭാഗം കണ്ടെത്തിയത്.

കൈയുടെ ഭാഗം കണ്ടെത്തിയത് ഒരു കിലോമീറ്റർ അകലെ നിന്നാണ്. നായകൾ കൊണ്ടിട്ടതാകാമിതെന്നാണ് സംശയിക്കുന്നത്. കെഡാവർ നായകളുടെ സഹായത്തോടെ നിലവിൽ തെരച്ചിൽ തുടരുകയാണ്.