ആഭ്യന്തര മന്ത്രി രമേശ് ചെന്നിത്തല
തിരുവനന്തപുരം: സംസ്ഥാനത്ത് തടവുപുള്ളികളുടെ എണ്ണം കൂടുന്ന സാഹചര്യത്തിൽ ഒരു സെൻട്രൽ ജയിൽ കൂടി ആവശ്യമാണെന്ന് ആഭ്യന്തര മന്ത്രി രമേശ് ചെന്നിത്തല. ജയിലിലെ ഉദ്യോഗസ്ഥരുടെ എണ്ണം വർധിപ്പിക്കുന്നതിനുള്ള ആലോചനയുണ്ടെന്നും ചെന്നിത്തല കൂട്ടിച്ചേർത്തു.
ജയിൽ ആസ്ഥാനത്ത് മുതിർന്ന ഉദ്യോഗസ്ഥരുമായി കൂടിക്കാഴ്ച നടത്തിയ ശേഷം സംസാരിക്കുകയായിരുന്നു അദ്ദേഹം. സമഗ്രമായ ജയിൽ പരിഷ്കരണത്തിനുള്ള നടപടികൾ ആരംഭിക്കും.
ജയിലുകൾ തെറ്റു തിരുത്തൽ കേന്ദ്രങ്ങളായാണ് പ്രവർത്തിക്കുന്നത്. എല്ലാ ജയിലുകളിലും വിഡിയോ കോൺഫറൻസിങ് സൗകര്യം നടപ്പാക്കുമെന്നും മന്ത്രി പറഞ്ഞു.
