പ്രധാനമന്ത്രി കൊച്ചിയിൽ; റോഡ് ഷോ ഉടൻ

കൊച്ചി: എൻഡിഎയുടെ തെരഞ്ഞെടുപ്പ് പ്രചാരണത്തിനായി പ്രധാനമന്ത്രി നരേന്ദ്രമോദി കൊച്ചിയിലെത്തി. നെടുമ്പാശേരി വിമാനത്താവളത്തിലെത്തിയ അദ്ദേഹം ഉടനെ കൊച്ചി നാവിക ആസ്ഥാനത്തെ വിമാനത്താവളത്തിലെത്തും. ശേഷം റോഡ് മാർ‌ഗം മറൈൻ ഡ്രൈവിലേക്ക് തിരിക്കും.

അഖില കേരള ധീവരസഭയുടെ സുവർണജൂബിലി ആഘോഷമാണ് ആദ‍്യ പരിപാടി. പിന്നീട് റോഡ് മാർഗം കലൂർ സ്റ്റേഡിയത്തിലേക്ക് പോകും. കലൂർ സ്റ്റേഡിയത്തിൽ നടക്കുന്ന ചടങ്ങിൽ വിവിധ കേന്ദ്ര സർക്കാർ പദ്ധതികളുടെ ഉദ്ഘാടനം നിർവഹിക്കും.