തൃശൂർ: ശാസ്താംപൂവം കാടർ കോളനിയിലെ പ്രായപൂർത്തിയാകാത്ത രണ്ടു കുട്ടികളെ കാണാതായ സംഭവത്തിൽ വനംവകുപ്പും പൊലീസും സംയുക്തമായി അന്വേഷണം നടത്തും. കാടർ വീട്ടിൽ കുട്ടന്‍റെ മകൻ സജി കുട്ടൻ (15), രാജശേഖരന്‍റെ മകൻ അരുൺ കുമാർ (8) എന്നിവരെയാണ് കാണാതായത്.
മാർച്ച് രണ്ടിന് കോളനിക്കു സമീപമുള്ള ഉൾവനത്തിലാണ് കുട്ടികളെ കാണാതായത്. കുട്ടികൾ പോകാനിടയുള്ള സ്ഥലങ്ങളിൽ കോളനി അധികൃതർ നടത്തിയ അന്വേഷണം വിഫലമായതിനെ തുടർന്നാണ് പൊലീസിൽ പരാതി നൽകിയത്.
വെള്ളിക്കുളങ്ങര പൊലീസിന്‍റെയും, പരിയാരം വെള്ളിക്കുളങ്ങര ഫോറസ്റ്റ് റേഞ്ച് ഓഫിസിലെ ജീവനക്കാരുടെയും നാട്ടുകാരുടെയും നേതൃത്വത്തിൽ ഇന്നലെ രാവിലെ മുതൽ അന്വേഷണം നടത്തിയെങ്കിലും കുട്ടികളെ കണ്ടെത്താനായില്ല.
