ദുബായ്: ദുബായ് ആസ്ഥാനമായ റേഡിയോ കേരളം 1476 എഎമ്മി ൽ സീനിയർ റേഡിയോ ജോക്കി ആയ രമ്യാ സോമസുന്ദരം (ആർ ജെ ലാവണ്യ ) അന്തരിച്ചു. 41 വയസ്സായിരുന്നു. പതിനഞ്ചു വർഷത്തിലധികമായി മാധ്യമരംഗത്തു സജീവമായിരുന്നു. ക്ലബ്ബ് എഫ് എം, റെഡ് എഫ് എം, യു എഫ് എം , റേഡിയോ രസം എന്നിവിടങ്ങളിൽ ജോലി ചെയ്തു.
സംഗീത കലാകാരനായ അജിത് പ്രസാദാണ് ഭർത്താവ്. അച്ഛൻ പരേതനായ സോമസുന്ദരം. അമ്മ ശശികല . വസുന്ധര, വിഹായസ് എന്നിവർ മക്കളാണ്. തമലം മരിയൻ അപാർട്ട്മെന്റിൽ പൊതുദർശനത്തിനു ശേഷം തൈക്കാട് ശാന്തികവാടത്തിൽ സംസ്കാരം നടത്തും.
