ഉണ്ണികൃഷ്ണൻ പോറ്റി, കടകംപള്ളി സുരേന്ദ്രൻ
തിരുവനന്തപുരം: മുൻ ദേവസ്വം മന്ത്രി കടകംപള്ളി സുരേന്ദ്രനെതിരേ ശബരിമല സ്വർണക്കൊള്ള കേസിലെ പ്രധാന പ്രതി ഉണ്ണികൃഷ്ണൻ പോറ്റി നൽകിയ പരാതി പ്രത്യേക അന്വേഷണ സംഘം അന്വേഷിക്കും.
ഭൂമി തട്ടിപ്പ് കേസിൽ തന്നെ കുടുക്കാൻ കടകംപള്ളി ശ്രമിച്ചെന്ന് ആരോപിച്ചായിരുന്നു ഉണ്ണികൃഷ്ണൻ പോറ്റി സംസ്ഥാന പൊലീസ് മേധാവിക്ക് പരാതി നൽകിയിരുന്നത്.
കൂടാതെ കഴക്കൂട്ടം സ്വദേശിനി നൽകിയ പരാതിക്ക് പിന്നിൽ കടകംപള്ളിയാണെന്നാണ് പോറ്റിയുടെ ആരോപണം. എന്നാൽ പോറ്റിയുടെ പരാതിക്കു പിന്നിൽ ഗൂഢാലോചനയുണ്ടെന്നായിരുന്നു കടകംപള്ളി പ്രതികരിച്ചത്.
