സംസ്ഥാനത്ത് ഷിഗെല്ല ബാധിച്ച് വീണ്ടും മരണം; തൃശൂരിൽ 43 കാരൻ മരിച്ചു
തൃശൂര്: സംസ്ഥാനത്ത് ഷിഗെല്ല ബാധിച്ച് വീണ്ടും മരണം. തൃശൂര് മാപ്രാണം സ്വദേശിയായ 43കാരനാണ് മരിച്ചത്. വയറുവേദനയെ തുടര്ന്ന് കൊടകര ശാന്തി ആശുപത്രിയില് ചികിത്സയിലായിരുന്നു. മരണത്തിനുശേഷം നടത്തിയ പോസ്റ്റ്മോര്ട്ടത്തിലാണ് ഷിഗില്ല സ്ഥിരീകരിച്ചത്.
പതിമൂന്നാം തീയതി ആശുപത്രിയില് പ്രവേശിപ്പിച്ച രോഗി തിങ്കളാഴ്ച വൈകുന്നേരം അഞ്ചുമണിയോടെ മരിക്കുകയായിരുന്നു. രോഗത്തിന്റെ ഉറവിടം കണ്ടെത്താന് സാമ്പിളുകള് ശേഖരിച്ച് പരിശോധന നടത്തും.
തിങ്കളാഴ്ച മത്രം ഇത് രണ്ടാമത്തെ ആളാണ് ഷിഗെല്ലബാധിച്ച് മരിക്കുന്നത്. കോഴിക്കോട് മെഡിക്കല് കോളജില് ചികിത്സയിലായിരുന്ന ഏഴ് വയസുകാരനാണ് തുടര്ന്ന് തിങ്കളാഴ്ച മരണപ്പെട്ടിരുന്നു. കോഴിക്കോട് മെഡിക്കല് കോളെജിലെ മാതൃശിശു കേന്ദ്രത്തില് ചികിത്സയിലായിരുന്ന മലപ്പുറം കോഡൂര് സ്വദേശി ആര്ജവ് ആണ് മരിച്ചത്.
ഇതോടെ ഈ വര്ഷം സംസ്ഥാനത്ത് ഷിഗെല്ല സ്ഥിരീകരിച്ച് മരിച്ചവരുടെ എണ്ണം അഞ്ചായി. കോഴിക്കോട് 3 പേര്ക്കും കണ്ണൂരില് രണ്ടുപേര്ക്കും ഷിഗെല്ല സ്ഥിരീകരിച്ചു.
