കോഴിക്കോട്: തെരുവുനായ ആക്രമണത്തെ തുടർന്ന് കോഴിക്കോട് പേരാമ്പ്ര കുത്താളി പഞ്ചായത്തിലെ സ്കൂളുകൾക്ക് തിങ്കളാഴ്ച അവധി പ്രഖ്യാപിച്ചു. കൂത്താളി വൊക്കേഷണൽ ഹയർ സെക്കൻഡറി സ്കൂൾ, വേങ്ങാപ്പറ്റ യുപി സ്കൂൾ, കൂത്താളി യുപി സ്കൂൾ, കല്ലോട് എൽപി സ്കൂൾ, പൈതോത്ത് എൽപി സ്കൂൾ, കല്ലൂർ കൂത്താളി എംഎൽപി സ്കൂൾ എന്നീ വിദ്യാലായങ്ങൾക്കാണ് അവധി.
പ്രദേശത്ത തെരുവുനായ ശല്യം രൂക്ഷമായിക്കൊണ്ടിരിക്കുകയാണ്. ഞായറാഴ്ച മാത്രം നാലു പേർക്കാണ് തെരുവുനായ ആക്രമണത്തിൽ പരിക്കേറ്റത്. ഇതുവരെയും തെരുനായയെ പിടികൂടാൻ സാധിക്കാത്തതിനാലാണ് സ്കൂളുകൾക്ക് അവധി നൽകാൻ പഞ്ചായത്ത് തീരുമാനിച്ചത്.