കൊല്ലത്ത് നാലു പേരെ കടിച്ച തെരുവുനായയെ വെടിവച്ച് കൊന്നു

കൊല്ലം: നിരവധി പേരെ ആക്രമിച്ച തെരുവുനായയെ വെടിവച്ചു കൊന്നു. കൊല്ലം ഇടമുളയ്ക്കലിലെ പന്ത്രണ്ടാം വാർഡിലാണ് സംഭവം. പഞ്ചായത്ത് പ്രസിഡന്‍റ് ലിജു ആളുവിലയുടെ നേതൃത്വത്തിലാണ് നായയെ കൊന്നത്. നിരവധി പേർക്കാണ് നായയുടെ കടിയേറ്റത്.

സംസ്ഥാനത്ത് തെരുവുനായ ശല്യം രൂക്ഷമായി തുടരുകയാണ്. കഴിഞ്ഞ ദിവസം നാലു പേരെയാണ് നായ കടിച്ചത്. ആക്രമണത്തിൽ കുട്ടികൾക്ക് ഉൾപ്പെടെ പരുക്കേറ്റിട്ടുണ്ട്. സുപ്രീം കോടതി വിധിയുടെ അടിസ്ഥാനത്തിലാണ് നായയെ വെടിവച്ചു കൊന്നതെന്ന് പ്രസിഡന്‍റ് ലിജു ആളുവില വ്യക്തമാക്കി.