താമരശേരി ചുരത്തിൽ ലോറി അപകടത്തിൽപ്പെട്ടു ; ആളപായമില്ല

താമരശേരി : താമരശേരി ചുരത്തിൽ ലോറി നിയന്ത്രണം വിട്ട് തോട്ടിലേക്ക് മറിഞ്ഞു. കർണാടകയിൽ നിന്ന് കോഴിക്കോട്ടേക്ക് പഞ്ചസാര കയറ്റി വന്ന ലോറിയാണ് തലകീഴായി മറിഞ്ഞത്. താമരശേരി ചുരത്തിലെ ഒന്നാം വളവിലായിരുന്നു അപകടം.

ലോറിയുടെ ബ്രേക്ക് നഷ്ടപ്പെട്ട് 100 മീറ്റോളം താഴ്ചയിലേക്കാണ് ലോറി പതിച്ചത്. ഡ്രൈവറും, ക്ലീനറും പരുക്കേൽക്കാതെ രക്ഷപ്പെട്ടു. താമരശേരി പൊലീസും നാട്ടുകാരും ചേർന്ന് രക്ഷാപ്രവർത്തനം നടത്തി.