ഗതാഗത മന്ത്രി സി.പി. ജോൺ
തിരുവനന്തപുരം: സ്ത്രീകൾക്ക് സൗജന്യ യാത്ര ഉറപ്പാക്കിയിട്ടുള്ള ഓർഡിനറി ബസുകളിൽ പണം നൽകി യാത്ര ചെയ്യാൻ അനുവദിക്കില്ലെന്ന് ഗതാഗത മന്ത്രി സി.പി. ജോൺ. പണം നൽകണമെന്നുള്ളവർ ഓർഡിനറി ബസുകളിൽ കയറാതിരിക്കട്ടേ എന്നും മന്ത്രി പറഞ്ഞു. സൗജന്യ യാത്ര നടപ്പിലാക്കിയതോടെ ഓർഡിനറി ബസുകളിൽ സ്ത്രീകളുടെ വൻ തിരക്കാണ് അനുഭവപ്പെടുന്നത്.
കഴിഞ്ഞ എട്ടിന് 7.5 ലക്ഷം സ്ത്രീകളാണ് യാത്ര ചെയ്തിരുന്നതെങ്കിൽ ജൂൺ 16ന് എടുത്ത കണക്ക് പ്രകാരം 11.84 ലക്ഷം സ്ത്രീകളാണ് ഓർഡിനറിയിൽ യാത്ര ചെയ്തത്. സ്ത്രീകൾ ഈ പദ്ധതിയെ ഏറ്റെടുത്തുവെന്നും മന്ത്രി കൂട്ടിച്ചേർത്തു.
ഓർഡിനറി ബസുകൾ സിറ്റി ഫാസ്റ്റുകളാക്കി മാറ്റുന്നുവെന്നത് പൂർണമായും തെറ്റായ പ്രചരാണമാണ്. ഒരു ഓർഡിനറി പോലും സിറ്റി ഫാസ്റ്റ് ആക്കിയിട്ടില്ല. രണ്ട് സിറ്റി ഫാസ്റ്റുകൾ ഓർഡിനറി ആക്കി മാറ്റിയിട്ടുണ്ടെന്നും മന്ത്രി പറഞ്ഞു.
