മാസപ്പടിക്കേസ്: വീണ ഇഡിക്കു മുന്നിൽ ഹാജരായി

കൊച്ചി: സിഎംആർഎൽ-എക്സാലോജിക് സാമ്പത്തിക ഇടപാട് കേസിൽ പിണറായി വിജയന്‍റെ മകൾ ടി. വീണ ഇഡിക്കു മുന്നിൽ ഹാജരായി. രണ്ടാം തവണയാണ് വീണ നേരിട്ട് ഇഡിക്കു മുന്നിൽ ഹാജരാകുന്നത്. കേസിൽ സീരിയസ് ഫ്രോഡ് ഇൻവെസ്റ്റിഗേഷൻ ഓഫിസ് തയാറാക്കിയ കുറ്റപത്രത്തിലെ 134 രേഖകൾ ഇഡിക്ക് കൈമാറിയിട്ടുണ്ട്. ഈ രേഖകൾ കൂടി അടിസ്ഥാനമാക്കിയായിരിക്കും ഇഡി വീണയെ വീണ്ടും ചോദ്യം ചെയ്യുക.

കൊച്ചിയിലെ കമ്പനികാര്യ കേസുകൾ കൈകാര്യം ചെയ്യുന്ന കോടതിയുടെ നിർദേശപ്രകാരമാണ് പ്രധാന രേഖകൾ ഇഡിക്ക് കൈമാറിയത്.

നേരത്തെ വീണയെ ചോദ്യം ചെയ്തപ്പോൾ നൽകിയ മൊഴികളിൽ പൊരുത്തക്കേട് കണ്ടെത്തിയിരുന്നു.