കൊച്ചി: എംഡിഎംഎ കേസിൽ മുൻകൂർ ജാമ്യാപേക്ഷയുമായി യൂട്യൂബർ തൊപ്പി എന്ന നിഹാദും സുഹൃത്തുക്കളും. എറണാകുളം പ്രിൻസിപ്പൽ സെഷൻസ് കോടതി കേസിൽ റിപ്പോർട്ട് തേടിയിരിക്കുകയാണ്. ഡിസംബർ 4നുള്ളിൽ റിപ്പോർട്ട് സമർപ്പിക്കാനാണ് പാലാരിവട്ടം പൊലീസിനോട് നിർദേശിച്ചിട്ടുള്ളത്.
കഴിഞ്ഞ ദിവസം തമ്മനത്ത് തൊപ്പിയുടെ താമസസ്ഥലത്തു നടത്തിയ പരിശോധനയിലാണ് എംഡിഎംഎ പിടികൂടിയത്. ഇതിനു പിന്നാലെ തൊപ്പിയും മൂന്നു പെൺസുഹൃത്തുക്കളും ഒളിവിൽ പോയി. ഇവർക്കെതിരേ പാലാരിവട്ടം പൊലീസാണ് കേസ് രജിസ്റ്റർ ചെയ്തിരിക്കുന്നത്.
