കോതമംഗലം: പല്ലാരിമംഗലം പഞ്ചായത്തിൽ പൂ കൃഷിയുടെ വിളവെടുപ്പ് നടത്തി. കൃഷിഭവന്‍റെ സഹായത്തോടെയാണ് 40 സെന്‍റ് സ്ഥലത്ത് ബെന്തിപ്പൂ കൃഷി ചെയ്തത്.പഞ്ചായത്ത് പ്രസിഡന്‍റ് ഖദീജ മുഹമ്മദ് ഉദ്ഘാടനം നിർവ്വഹിച്ചു. വൈസ് പ്രസിഡന്‍റ് ഒ. ഇ .അബ്ബാസ് അധ്യക്ഷത വഹിച്ചു. വാർഡ്മെമ്പർ എ.എ. രമണൻ, കൃഷിഓഫീസർ ഇ.എം. മനോജ്, അസിസ്റ്റന്‍റുമാരായ ബിനി മക്കാർ, അനിത പി. കൃഷ്ണൻകുട്ടി, ഷാജിത ഫരീദുദ്ധീൻ എന്നിവർ പ്രസംഗിച്ചു.
സിഡിഎസ് മെമ്പർ ആത്തിക്ക ജലാം, ഫാത്തിമ്മ മുഹമ്മദ് എന്നിവരുടെ നേതൃത്വത്തിലാണ് പൂ കൃഷി നടത്തിയത്.
