ജില്ലയിലെ മികച്ച വിദ്യാഭ്യാസ ഓഫീസിനുള്ള പ്രഥമ പുരസ്കാരം സ്വന്തമാക്കി കോതമംഗലം
കോതമംഗലം: എറണാകുളം ജില്ലയിലെ മികച്ച വിദ്യാഭ്യാസ ഓഫീസിനുള്ള പ്രഥമ പുരസ്കാരം കോതമംഗലം ജില്ലാ വിദ്യാഭ്യാസ ഓഫിസിന് ലഭിച്ചു. വിദ്യാഭ്യാസ ഉപഡയറക്ടർ സുബിൻ പോൾ പുരസ്കാരം ജില്ലാ വിദ്യാഭ്യാസ ഓഫീസർക്ക് കൈമാറി. തുടർന്ന് ഓഫിസിൽ നടന്ന അനുമോദന യോഗത്തിൽ ജില്ലാ വിദ്യാഭ്യാസ ഓഫിസർ സ്റ്റാഫ് അംഗങ്ങളെ അനുമോദിച്ചു.
എച്ച്.എം ഫോറം കൺവീനർ സിസ്റ്റർ റിനി മരിയ, പ്രധാനാധ്യാപകരായ ഫാ. ജിജോ ജോർജ്, ബിന്ദു ജിജി എന്നിവർ ആശംസകൾ അറിയിച്ചു സംസാരിച്ചു. സ്റ്റാഫ് സെക്രട്ടറി സജീവ് ഇ.ജി. സ്വാഗതവും നെസ്സിമോൾ സി.ബി. നന്ദിയും രേഖപ്പെടുത്തി.
