പാലക്കാട്ട് കെഎസ്ആർടിസി ഡിപ്പോയിൽ നിന്ന് ബസ് മോഷണം പോയി

പാലക്കാട്: പാലക്കാട്ട് കെഎസ്ആർടിസി ഡിപ്പോയിൽ നിന്നും ബസ് മോഷണം പോയി. ഞായറാഴ്ച പുലർച്ചെയാണ് സംഭവം. പിന്നീട് മംഗളം ടവറിന് സമീപത്തു നിന്ന് ബസ് കണ്ടെത്തി.

ബസ് മോഷ്ടിക്കുന്നത് കണ്ട കെഎസ്ആർടിസി ജീവനക്കാർ പിന്തുടർന്നതോടെ മോഷ്ടാവ് ബസ് ഉപേക്ഷിച്ച് കടന്നു കളയുകയായിരുന്നു. സംഭവത്തിൽ പാലക്കാട് ടൗൺ സൗത്ത് പൊലീസ് കേസെടുത്ത് അന്വേഷണം ആരംഭിച്ചു. സിസിടിവി ദൃശ്യങ്ങൾ കേന്ദ്രീകരിച്ചാണ് പരിശോധന നടത്തുന്നത്.