കോട്ടയം: പാലായിൽ ചീട്ടുകളിക്കിടെയുണ്ടായ വാക്കുതർക്കത്തിനൊടുവിൽ യുവാവിനെ കത്രിക കൊണ്ട് കുത്തിക്കൊന്നു. കൊല്ലപ്പള്ളി മങ്കര സ്വദേശി ലിബിൻ ജോസാണ് (26) കൊല്ലപ്പെട്ടത്. പാലാ സ്വദേശി അഭിലാഷാണ് ലിബിനെ കുത്തിയത്. ആക്രമണത്തിനിട ഒരു സ്ത്രീയടക്കം മൂന്നു പേർക്കു പരുക്കേറ്റതായും റിപ്പോർട്ടുണ്ട്.
ശനിയാഴ്ച രാത്രി ഒരു മണിയോടെയാണ് സംഭവം. ബന്ധുവിന്റെ മകന്റെ ആദ്യ കുർബാന ചടങ്ങിനെത്തിയതായിരുന്നു ലിബിനും അഭിലാഷും.
ആക്രമണം തടയാൻ ശ്രമിച്ച നിർമല (55) എന്ന സ്ത്രീക്കാണ് പരുക്കേറ്റിരിക്കുന്നത്. പൊലീസ് സ്ഥലത്തെത്തി പരിശോധന നടത്തി.
