റീച്ച് വേൾഡ് വൈഡ് സൗജന്യ പഠനോപകരണവിതരണം

സഹജീവികളിൽ ഏതുസമയത്തും സഹായം എത്തിക്കുവാനായി നാനൂറിലധികം യുവ സന്നദ്ധ പ്രവർത്തകരെ നാടിനു സമർപ്പിച്ചു
'റീച്ച് വേൾഡ് വൈഡ് '- ജീവകാരുണ്യ സംഘടനയുടെ സൗജന്യ പഠനോപകരണ വിതരണം സംസ്ഥാനതല ഉദ്ഘാടനം മന്ത്രി വി.എൻ. വാസവൻ നിർവഹിക്കുന്നു. പ്രസിഡന്‍റ് ഡോ. മാത്യു കുരുവിള, ചെയർമാനായി സ്ഥാനമേറ്റ റോണക്ക് മാത്യു, സോഷ്യൽ മീഡിയ ഇൻഫ്ലുവവൻസർ താടിക്കാരൻ, കടൽ മച്ചാൻ എന്നിവർ സമീപം.
'റീച്ച് വേൾഡ് വൈഡ് '- ജീവകാരുണ്യ സംഘടനയുടെ സൗജന്യ പഠനോപകരണ വിതരണം സംസ്ഥാനതല ഉദ്ഘാടനം മന്ത്രി വി.എൻ. വാസവൻ നിർവഹിക്കുന്നു. പ്രസിഡന്‍റ് ഡോ. മാത്യു കുരുവിള, ചെയർമാനായി സ്ഥാനമേറ്റ റോണക്ക് മാത്യു, സോഷ്യൽ മീഡിയ ഇൻഫ്ലുവവൻസർ താടിക്കാരൻ, കടൽ മച്ചാൻ എന്നിവർ സമീപം.

കോട്ടയം: 'റീച്ച് വേൾഡ് വൈഡ് '- ജീവകാരുണ്യ സംഘടനയുടെ സൗജന്യ പഠനോപകരണ വിതരണ സംസ്ഥാനതല ഉദ്ഘാടനം മന്ത്രി വി.എൻ. വാസവൻ നിർവഹിച്ചു. സംഘടനയുടെ പ്രസിഡന്‍റ് ഡോ. മാത്യു കുരുവിള അധ്യക്ഷത വഹിച്ച ചടങ്ങിൽ പുതിയ ചെയർമാൻ റോണക്ക് മാത്യു സ്ഥാനമേറ്റു.

സഹജീവികളിൽ ഏതുസമയത്തും സഹായം എത്തിക്കുവാനായി നാനൂറിലധികം യുവ സന്നദ്ധ പ്രവർത്തകരെ നാടിനു സമർപ്പിച്ചതായി പുതിയ ചെയർമാൻ റോണക്ക് മാത്യു അറിയിച്ചു.

2004 ൽ 'ഒരുപിടി അരി ഒരുപാട് ജീവൻ' എന്ന പദ്ധതിയിലൂടെ കോട്ടയം പട്ടണത്തിൽ വിശക്കുന്നവർക്ക് ആഹാരം നൽകികൊണ്ടായിരുന്നു റീച്ചിന്‍റെ തുടക്കം. പിന്നീട് നിർധന വിദ്യാർഥികൾക്ക് വിദ്യാഭ്യാസ സഹായ പദ്ധതി, സ്ത്രീ ശാക്തീകരണത്തിന്‍റെ ഭാഗമായി സൗജന്യ ഓട്ടോറിക്ഷ വിതരണം, 'യൂട്ടേൺ' എന്ന ആന്‍റി ഡ്രഗ് ക്യാമ്പയിനുകൾ, സൗജന്യ പാർപ്പിട പദ്ധതി, പൊതുസ്ഥലങ്ങൾ മാലിന്യ വിമുക്തമാക്കുന്ന സ്വപ്നസുന്ദരകേരളം പദ്ധതി, പൊതുജനങ്ങളെ സഹായിക്കുന്ന റീച്ച് കാര്യാലയങ്ങൾ, സൗജന്യ കുടിവെള്ള പദ്ധതി, ഗ്രാമങ്ങളെ മാലിന്യ വിമുക്തമാക്കുന്ന വില്ലേജ് അഡോപ്ഷൻ പ്രോഗ്രാം എന്നിങ്ങനെ നിരവധി ജീവകാരുണ്യ പദ്ധതികളാണ് റീച്ച് നടത്തിവരുന്നത്.

Related Stories

No stories found.

Latest News

No stories found.
logo
Metro Vaartha
www.metrovaartha.com