വിഷം കഴിച്ച് ആത്മഹത്യയ്ക്ക് ശ്രമിച്ച സഹോദരിമാരിൽ മൂന്നാമത്തെയാളും മരിച്ചു
തൃശൂർ: മിള്ളൂർക്കര ആറ്റൂർ മണ്ടലംകുന്നിൽ വിഷം കഴിച്ച് ആത്മഹത്യയ്ക്ക് ശ്രമിച്ച സഹോദരിമാരിൽ മൂന്നാമത്തെ ആളും മരിച്ചു. മഠത്തിപറമ്പിൽ ജാനകി (80) ആണ് മരിച്ചത്.
കഴിഞ്ഞ വെള്ളിയാഴ്ചയായിരുന്നു സരോജിനി, ദേവകി, ജാനകി എന്നിവർ വിഷം കഴിച്ച് ആത്മഹത്യയ്ക്ക് ശ്രമിച്ചത്. ഇതിൽ മറ്റ് 2 പേർ കഴിഞ്ഞ ദിവസം തന്നെ മരിച്ചിരുന്നു. ജീവിത നൈരാശ്യമാണ് മരണകാരണമെന്നാണ് വിവരം.
