അമിത് ഷാ
മുംബൈ: ശിവസേന മേധാവി ഉദ്ധവ് താക്കറെക്കെതിരെ രൂക്ഷ വിമര്ശനവുമായി കേന്ദ്ര ആഭ്യന്തര മന്ത്രി അമിത് ഷാ രംഗത്തെത്തി. കോണ്ഗ്രസിന്റെ മടിയില് ഇരുന്ന് നുഴഞ്ഞുകയറ്റക്കാരെ വോട്ടുബാങ്കാക്കി മാറ്റാന് ഉദ്ധവ് ശ്രമിക്കുന്നുവെന്നാണ് ശനിയാഴ്ച കോലാപ്പുരില് നടത്തിയ പരാമര്ശത്തില് ഷാ കുറ്റപ്പെടുത്തി. ഇന്ത്യ ഒരു ധര്മശാലയല്ലെന്നും അദ്ദേഹം പറഞ്ഞു.
ഷിന്ഡെ വിഭാഗത്തിനു പാര്ട്ടിയുടെ പേര് മുമ്പ് വേറെ പറയേണ്ടി വന്നിരുന്നെങ്കിലും ഇപ്പോള് സ്ഥിതി മാറിയെന്നും അമിത് ഷാ പറഞ്ഞു. ഇപ്പോള് വിഭാഗമല്ല. ഒരു ശിവസേന മാത്രമേയുള്ളൂ, അത് ഏക്നാഥ് ഷിന്ഡെയുടെ നേതൃത്വത്തിലുള്ളതാണെന്നും അദ്ദേഹം കൂട്ടിച്ചേര്ത്തു.
ഉദ്ധവിന്റെ ശിവസേനയെ വീണ്ടും പിളര്ത്തുന്നതിനിടെയാണ് അമിത് ഷാ താക്കറയെ കടന്നാക്രമിച്ച് കൊണ്ട് രംഗത്തെത്തിയത്.
