ശരത്
മുംബൈ: പ്രശസ്ത സംഗീതസംവിധായകനും ഗായകനുമായ ശരത് നവി മുംബൈയിലെ സംഗീതപ്രേമികള്ക്കു മുന്നില് പാടുന്നു. കലാരംഗത്ത് ശ്രദ്ധേയ സാന്നിധ്യമായ 'തരംഗ് ഇവന്റ്സ് & പ്രൊഡക്ഷന്സ്' ഒരുക്കുന്ന രണ്ടാമത്തെ സംഗീതനിശയിലാണ് ശരത് മുഖ്യാതിഥിയായെത്തുന്നത്.
സ്വാതന്ത്ര്യദിനമായ ഓഗസ്റ്റ് 15-ന് നെരൂള് ടെര്ണ ഓഡിറ്റോറിയത്തില് വൈകിട്ട് 6.30ന് ആണ് സംഗീത വിരുന്ന്.
കഴിഞ്ഞ ജനുവരിയില് പ്രശസ്ത ഗാനരചയിതാവും സംവിധായകനുമായ ശ്രീകുമാരന് തമ്പിയാണ് തരംഗിന്റെ പ്രവര്ത്തനങ്ങള്ക്ക് തിരികൊളുത്തിയത്.
കേരളത്തിലെ പ്രിയപ്പെട്ട കലാകാരന്മാരെ മുംബൈയിലെ കലാലോകത്തിന് മുന്നില് എത്തിക്കുക, അവരെ നേരില് കാണാനും സംവദിക്കാനുമുള്ള വേദിയൊരുക്കുക എന്നതാണ് തരംഗിന്റെ പ്രധാന ലക്ഷ്യമെന്ന് സംഘാടകര്.
