ജാർഖണ്ഡിൽ മിന്നലേറ്റ് 13 പേർ മരിച്ചു; എട്ട് പേർക്ക് പരുക്ക്

റാഞ്ചി: ജാർഖണ്ഡിലെ ഗിരിഡിഹ്, ദുംക, ലത്തേഹാർ എന്നീ ജില്ലകളിൽ മിന്നലേറ്റ് 13 പേർ മരിച്ചു. കുട്ടികളുൾപ്പെടെ എട്ട് പേർക്ക് പരുക്കേറ്റു. ചൊവ്വാഴ്ചയാണ് സംഭവം.

മരിച്ചവരിൽ എട്ട് പേർ ഗിരിഡിഹ് ജില്ലയിലും മൂന്ന് പേർ ദുംക ജില്ലയിലും രണ്ട് പേർ ലത്തേഹാർ ജില്ലയിലുമാണ്. ഗിരിഡിഹ് ജില്ലയിലെ ഖോരിമഹുവയിലെ മൂന്ന് പൊലീസ് സ്റ്റേഷൻ പരിധികളിലാണ് അപകടം ഉണ്ടായത്. ദുംക ജില്ലയിലെ രാംഗഡ് ബ്ലോക്കിലാണ് അപകടം നടന്നത്. ലത്തേഹാർ ജില്ലയിൽ ഉണ്ടായ മിന്നൽ അപകടത്തിൽ പരുക്കേറ്റവരിൽ ഒരു സ്ത്രീയുമുണ്ടെന്ന് പൊലീസ് പറഞ്ഞു.