സിബിഎസ്ഇ ത്രിഭാഷാ നയം; ഇടക്കാല ഉത്തരവില്ല

ന്യൂഡൽഹി: ഒമ്പതാം ക്ലാസ് വിദ്യാർഥികൾക്ക് ഈ അധ്യയന വർഷം മുതൽ ത്രിഭാഷാ നയം നടപ്പാക്കാനുള്ള സിബിഎസ്ഇ തീരുമാനത്തിനെതിരായ ഹർജിയിൽ ഇടക്കാല ഉത്തരവില്ല.

ഫ്രണ്ട്സ് ഒഫ് പീപ്പിൾ ഫൊർ ആക്റ്റിവ് ഡെമൊക്രസി എന്ന സന്നദ്ധ സംഘടനയുടെ ഹർജി ജൂലൈ 14ലേക്കു മാറ്റിയ സുപ്രീം കോടതി ഇടക്കാല സംരക്ഷണമെന്ന വിഷയം ഉദിക്കുന്നില്ലെന്നു വ്യക്തമാക്കി.

വിഷയത്തിൽ ദീർഘമായ വാദം കേട്ടെന്നും സമാനമായ മറ്റു ഹർജികൾക്കൊപ്പം അടുത്തമാസം പരിഗണിക്കുമെന്നും ചീഫ് ജസ്റ്റിസ് സൂര്യകാന്ത് അധ്യക്ഷനായ ബെഞ്ച് പറഞ്ഞു. ഹർജി നൽകിയ എൻജിഒയുടെ പേര് ചോദ്യം ചെയ്ത ചീഫ് ജസ്റ്റിസ് കോടതിയെയോ നാട്ടുകാരെയോ പേടിപ്പിക്കാനാണോ ഇങ്ങനെയൊരു പേരിട്ടതെന്നു തമാശയായി ചോദിച്ചു.