ന്യുഡൽഹി: രാജ്യത്ത് വാണിജ്യ സിലിണ്ടറുകളുടെ വിലയിൽ വർധനവ്. 19 കിലോയുടെ വാണിജ്യ സിലിണ്ടറിന് 12.50 രൂപയാണ് വർധിച്ചത്. ഇതോടെ ഒരു സിലിണ്ടറിന് 1937 രൂപയായി. നേരത്തെ ഇത് 1924.50 രൂപയായിരുന്നു. പുതിയ നിരക്ക് ഇന്ന് മുതൽ പ്രാബല്യത്തിൽ വരും. ഗാര്ഹിക സിലിണ്ടറിന്റെ വിലയിൽ മാറ്റമില്ല.
അതേസമയം രണ്ടാം മോദി സർക്കാരിന്റെ അവസാന ബജറ്റ് ഇന്ന് അവതരിപ്പിക്കാനിരിക്കെ രാജ്യത്ത് വാണിജ്യ സിലിണ്ടറുകള്ക്ക് വില വർധിച്ചതിൽ ആശങ്കയിലാണ് വ്യാപാരികൾ. പ്രാദേശിക നികുതികളുടെ അടിസ്ഥാനത്തിൽ ഗാര്ഹിക പാചക വാതക വില മാറ്റങ്ങൾ ഒരോ മാസവും ആദ്യമാണ് പ്രഖ്യാപിക്കുന്നത്.
