വായു മലിനീകരണം രൂക്ഷം; 50 ശതമാനം ജീവനക്കാർക്ക് വർക്ക് ഫ്രം ഹോം നിർദേശിച്ച് ഡൽഹി സർക്കാർ
ന്യൂഡൽഹി: വായു മലിനീകരണം ചെറുക്കുന്നതിന്‍റെ ഭാഗമായി എല്ലാ സർക്കാർ, സ്വകാര്യ ഓഫീസുകളിലും പരമാവധി 50% ജീവനക്കാർക്ക് വർക്ക് ഫ്രം ഹോം നിർദേശിച്ച് ഡൽഹി സർക്കാർ. ശൈത്യകാലത്ത് വായുവിന്‍റെ ഗുണനിലവാരം ഗണ്യമായി വഷളാകുന്ന സാഹചര്യത്തിലാണ് നിർദേശം.
അവശ്യ സേവനങ്ങൾ പരിഗണിച്ചുകൊണ്ട് നിരവധി വിഭാഗങ്ങൾക്ക് ഇളവ് അനുവദിച്ചിട്ടുണ്ട്. ആശുപത്രികൾ, ആരോഗ്യ സംരക്ഷണ സൗകര്യങ്ങൾ, അഗ്നിശമന സേവനങ്ങൾ, പൊതുഗതാഗതം, ശുചിത്വ, മലിനീകരണ നിയന്ത്രണ പ്രവർത്തനങ്ങളിൽ ഏർപ്പെട്ടിരിക്കുന്ന ഏജൻസികൾ എന്നിവ ഇതിൽ ഉൾപ്പെടുന്നു.
