നുരഞ്ഞ് പതഞ്ഞ് വിഷലിപ്തമായി യമുനാ നദി; ഡൽഹിയിൽ മലിനീകരണം ഗുരുതരം | Video

ന്യൂഡൽഹി: ഡൽഹിയിൽ വായു മലിനീകരണം രൂക്ഷം. വായു ഗുണനിലവാരം വളരെ അപകടകരമായ നിലയിലാണെന്നാണ് റിപ്പോർട്ടുകൾ.

വിഷലിപ്തമായി നുരഞ്ഞ് പതഞ്ഞൊഴുകുന്ന യമുനാ നദിയുടെ ദൃശ്യങ്ങളും പുറത്തു വന്നിട്ടുണ്ട്. ദീപാവലി അടുത്തിരിക്കുന്ന സാഹചര്യത്തിലാണ് മലിനീകരണം വളരെ മോശമായ നിലയിലേക്ക് എത്തിയിരിക്കുന്നത്.

നദിയിൽ രൂപപ്പെട്ട നുരയിൽ ഉയർന്ന അളവിൽ അമോണിയയും ഫോസ്ഫേറ്റുകളും അടങ്ങിയിട്ടുണ്ടെന്നും ഇത് ഗുരുതര ശ്വാസകോശ, ചർമ്മ പ്രശ്നങ്ങൾക്ക് വഴിയൊരുക്കുമെന്നും വിദഗ്ധർ അഭിപ്രായപ്പെടുന്നതായി ദേശീയ മാധ്യമങ്ങൾ‌ റിപ്പോർട്ടു ചെയ്യുന്നു. നദിയിലെ മലിനീകരണ തോത് ആശങ്കാജനകമാണെന്നും ഛഠ് പൂജ പോലുള്ള പ്രധാന ആഘോഷങ്ങൾ അടുത്തുവരുന്നതിനാൽ അടിയന്തര നടപടി സ്വീകരിക്കണമെന്നും പരിസ്ഥിതി വിദഗ്ധർ സർക്കാരിനോട് ആവശ്യപ്പെട്ടിട്ടുണ്ട്.