ഝാർഖണ്ഡിൽ കൽക്കരി ഖനി തകർന്നു; 3 മരണം, നിരവധി പേർ കുടുങ്ങിക്കിടക്കുന്നു
റാഞ്ചി: ഝാർഖണ്ഡിൽ കൽക്കരി ഖനി തകർന്ന് അപകടം. മൂന്നു പേർ മരിച്ചതായി സ്ഥിരീകരിച്ചു. നിരവധി പേർ കുടുങ്ങിക്കിടക്കുന്നതായാണ് വിവരം. രക്ഷാപ്രവർത്തനം തുടരുകയാണ്.
തുരങ്കത്തിന്റെ മുകൾഭാഗം പെട്ടെന്ന് പൊളിഞ്ഞുവീഴുകയായിരുന്നു. ഇതോടെ പലരും അവശിഷ്ടങ്ങൾക്കടിയിൽ കുടുങ്ങിയതായാണ് വിവരം.
ധൻബാദിലെ കത്രാസ് മേഖലയിലുള്ള കേശൽപൂർ കുമാർപട്ടിയിൽ അനധികൃതമായി പ്രവർത്തിക്കുന്ന ഖനിയാണ് തകർന്നത്. ഞായറാഴ്ച രാവിലെയോടെയായിരുന്നു അപകടം.
