കണ്ണൂർ: പ്രധാനമന്ത്രി നരേന്ദ്ര മോദിയെ കണ്ണൂരിലെ മാടായിക്കാവിലേക്ക് ക്ഷണിച്ച് സിപിഎം ജനറൽ സെക്രട്ടറി സീതാറാം യെച്ചൂരി. മോദിയെ മാടായിക്കാവിലേക്ക് ക്ഷണിക്കണം. ഇവിടത്തെ പ്രസാദത്തിൽ കോഴിക്കറിയുണ്ടെന്ന് അദ്ദേഹത്തെ കാണിച്ചു കൊടുക്കണം. വ്യത്യസ്തങ്ങളായ ആചാരങ്ങളും അനുഷ്ഠാനങ്ങളും ഉള്ള നാടാണിതെന്നും കണ്ണൂരിലെ പഴയങ്ങാടിയിൽ എൽഡിഎഫ് തെരഞ്ഞെടുപ്പു പൊതുയോഗത്തിൽ യെച്ചൂരി പറഞ്ഞു.
ആ വൈവിധ്യം നിലനിർത്തുകയാണ് ഈ തെരഞ്ഞെടുപ്പിലൂടെ നാം ചെയ്യേണ്ടത്. നാടിന്‍റെ വൈവിധ്യം തകർക്കാൻ ആരെയും അനുവദിക്കില്ല. ആന്ധ്രയിലെയും മാടായിലെയും വൈവിധ്യം നില നിർത്തണമെന്നും യെച്ചൂരി പറഞ്ഞു.
